Таъкиди М.Муинова ҷиҳати масъулияти волидайн

Душанбе, 17.06.2014. (АМИТ «Ховар», Зарангези Латиф).- Муовини раиси Кумитаи ҷавонон, варзиш ва сайёҳӣ Мавсума Муинова ҳафтаи сипаригардида бо кормандони филиали БДА “Амонатбонк” дар вилояти Суғд мулоқот анҷом дод. Муҳтавои мулоқотро ҷанбаҳои ваҳдати миллӣ, истиқлолияти давлатӣ ва татбиқи конунҳои миллӣ, Қонуни ҶТ “Дар бораи танзими анъана ва ҷашну маросимҳо” ва “Дар бораи масъулияти падару модар дар таълиму тарбияи фарзанд”ташкил дод.Муовини раиси кумита таъкид кард, ки ваҳдати миллӣ ва истиқлолият барои таъмини рушди босуботи ҷомеа, таҳкими раванди худшиносии миллӣ ва дар ин замина тарбияи насли наврас дар рўҳияи меҳанпарастӣ заминаи мусоидеро фароҳам меоварад. Зикр шуд, ки тибқи қонун падару модарон дар як радиф бо муассисаҳои таълимӣ дар роҳи тарбияи фарзандон дар рўҳияи инсондўстию ватанпарастӣ, эҳтироми арзишҳои миллӣ ва умумибашарӣ, ҳамчунин дифоъ аз ҳуқуқ ва манофеи кўдакон масъулият доранд. Дар мулоқот раиси филиали бонк Ҳокимшо Бобоев ширкат варзид.