Ташрифи расмии Сарвазири Покистон ба Тоҷикистон
Душанбе, 13.06.2014. (АМИТ «Ховар», Мавҷуда Анварӣ).- Аз 17 то18 июни соли 2014 Сарвазири Ҷумҳурии Исломии Покистон Муҳаммад Навоз Шариф бо сафари расмӣ ба Ҷумҳурии Тоҷикистон ташриф меорад.Зимни сафари мазкур баргузории мулоқоти хоссаи Сарвазири Ҷумҳурии Исломии Покистон Муҳаммад Навоз Шариф бо Президенти Ҷумҳурии Тоҷикистон Эмомалӣ Раҳмон ва гуфтушунидҳои ҳайатҳои ду кишвар дар доираи васеъ дар назар аст. Аз рӯи натиҷаи ин гуфтушунидҳо интизор меравад чанд санади ҳамкорӣ ба имзо расида, Изҳороти муштараки матбуотӣ бо намояндагони ВАО доир гардад. Пас аз анҷоми мулоқоту музокироти сатҳи олӣ бо арзи эҳтиром ба фарҳангу тамаддуни халқи тоҷик Сарвазири Ҷумҳурии Исломии Покистон Муҳаммад Навоз Шариф дар назди Маҷмааи Ваҳдати миллӣ ва эҳёи Тоҷикистон бо муҷассамаи Исмоили Сомонӣ гулчанбар мегузорад. Инчунин дар назар аст, ки Сарвазири Ҷумҳурии Исломии Покистон Муҳаммад Навоз Шариф бо Сарвазири Ҷумҳурии Тоҷикистон Қоҳир Расулзода мулоқот намуда, инчунин аз ҷойҳои таърихии кишвар боздид ба амал орад.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
