Татбиқи қонунгузорӣ оид ба ҳифзи шарафи шаҳрвандон

Душанбе, 16.06.2014. (АМИТ «Ховар», Мавҷуда Анварӣ).- Ҳафтаи гузашта дар Суди Олии кишвар ҷаласаи Пленуми Суди Олӣ баргузор гардид.
Дар кори ҷаласа раиси Суди Олӣ, прокурори генералӣ, раиси Суди Олии иқтисодӣ, директори Маркази миллии қонунгузорӣ, Ваколатдор оид ба ҳуқуқи инсон, устодони факултаи ҳуқуқшиносии ДМТ, муовини Академияи ВКД, судяҳои шаҳру навоҳии кишвар ва гарнизони ҳарбӣ иштирок карданд.
Иштирокдорон оид ба лоиҳаи қарорҳои Пленум «Дар бораи татбиқ намудани қонунгузорӣ ҳангоми баррасии парвандаҳои ҷиноятии хусусияти ифротгароидошта», «Дар бораи таҷрибаи аз ҷониби судҳо татбиқ намудани қонунгузорӣ марбут ба таъйини намуди муассисаҳои ислоҳӣ нисбат ба шахсони ба ҷазои маҳрум сохтан аз озодӣ маҳкумгардида», «Дар бораи ворид намудани тағйиру иловаҳо ба қарори Пленуми Суди Олии ҶТ», «Дар бораи татбиқи қонунгузорӣ оид ба баъзе масъалаҳое, ки дар таҷрибаи судӣ ҳангоми баррасии парвандаҳои марбут ба эътирофи ҳуқуқи моликият ба сохтмони худсарона ба миён меоянд», «Дар бораи аз ҷониби судяҳо татбиқ намудани қонунгузорӣ оид ба ҳифзи шаъну шараф ва эътибори кории шаҳрвандон ва шахсони ҳуқуқӣ» маърӯза намуданд.
Лоиҳаҳои қарорҳои Пленум аз ҷониби иштирокчиён мавриди муҳокима қарор гирифта, доир ба онҳо қарорҳои дахлдор қабул гардиданд.