Таваҷҷуҳи Тоҷикистону Афғонистон ба ҳамкориҳои транзитӣ
Душанбе, 05.06.2014. (АМИТ «Ховар», Бекназари Абӯбакр). — «Дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон, ки бисёр дар фазои хуб доир гардид, масоили мухталифи муносиботи дуҷонибаи кишварҳоямонро баррасӣ намудем». Ин нуктаро 5 июн пас аз анҷоми мулоқот бо Президенти Тоҷикистон Эмомалӣ Раҳмон вазири корҳои хориҷии Ҷумҳурии Исломии Афғонистон Зирор Аҳмад Усмонӣ ба хабарнигорон баён дошт.
Вай афзуд, ки дар ин мулоқот Сарвари давлати Тоҷикистон аз интихоботи президентии Афғонистон ҳимояти ҷиддӣ дошт ва ёдовар шуд, ки мардуми Афғонистон ба доир шудани интихобот бо роҳи демократӣ бовар доранд.
«Зимни мулоқот масоили мухталифи соҳаҳои гуногуни ҳамкориҳо матраҳ шуда, таваҷҷуҳи бештар ба соҳаи нақлиёт зоҳир гардид. Бахусус дар самти татбиқи барномаҳои минтақавӣ ва масоили роҳҳои транзитӣ аз масири кишварҳои Тоҷикистону Афғонистон ба кишварҳои Покистону Чин табодули афкор сурат гирифт», — гуфт дар хотима Зирор Аҳмад Усмонӣ.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






