Тоҷикистон-Лаҳистон: муаррифии имкониятҳои сармоягузорӣ
Душанбе, 05.06.2014. (АМИТ «Ховар», Мавҷуда Анварӣ). — Имрӯз дар Вазорати рушди иқтисод ва савдо ҷаласаи чоруми Комиссияи байниҳукуматӣ оид ба ҳамкориҳои иқтисодӣ баргузор гардид. Ҳайати Ҷумҳурии Лаҳистонро Анҷай Дих-муовини вазири иқтисоди ин кишвар ва ҷониби Тоҷикистонро Умед Давлатзод-муовини вазири рушди иқтисод ва савдо роҳбарӣ карданд.
Дар ҷаласа масъалаҳои ҷорӣ ва дурнамои ҳамкориҳо баррасӣ гардида, таваҷҷуҳи бештар ба масоили татбиқи лоиҳаҳои муштарак, пешбурди сармоягузорӣ ва рушди фаъолияти соҳибкорӣ дода шуд.
Муҳимияти ба роҳ мондани ҳамкориҳо дар соҳаҳои кишоварзӣ, саноати дорусозӣ, сохтмони инфрасохтор, сайёҳӣ, саноати сабук, кори бонкӣ ва суғурта аз мавзӯъҳои дигари гуфтушунидҳо буд.
Мавриди зикр аст, ки сатҳи ноустувори гардиши мол байни Ҷумҳурии Тоҷикистон ва Ҷумҳурии Лаҳистон ба назар мерасад. Агар дар соли 2012 он ҳамагӣ 4,5 млн. доллари ИМА-ро ташкил дода бошад, дар соли 2013 ин нишондод рў ба коҳиш ниҳода 4,2 млн. доллари ИМА-ро ташкил дод.
Дар доираи баргузории ин ҷаласа 6 июн бо иштироки васеи соҳибкорони ҳарду ҷониб Бизнес-Форум баргузор мегардад, ки дар он имкониятҳои сармоягузории тарафҳо муаррифӣ хоҳанд шуд.
Дар интиҳои ҷаласаи комиссияи байниҳукуматӣ санади дахлдор ба имзо расид.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
