Ваҳдати миллӣ — омили ояндасози Тоҷикистон

Душанбе, 7.06.2014. (АМИТ «Ховар», Зарангези Латиф).-Дирӯз дар Вазорати кишоварзии Ҷумҳурии Тоҷикистон дар партави дастуру супоришҳои Сарвари давлат Эмомалӣ Раҳмон зимни  мулоқот бо зиёиёни мамлакат дар мавзӯи «Ваҳдати миллӣ — омили ояндасози Тоҷикистон» мизи мудаввар доир шуд, ки дар он кормандони дастгоҳи марказӣ ва зерсохторҳои вазорат иштирок намуданд. 
Дар оғози чорабинӣ муовини вазири кишоварзӣ Сиҷоуддин Исроилов доир ба нақш ва мақоми Ваҳдати миллӣ сухан гуфт. Сипас, мудири кафедраи фалсафа ва сиёсатшиносии Донишгоҳи аграрии Тоҷикистон ба номи Шириншоҳ Шоҳтемур Хайриддин Идиев ва профессори кафедраи механикаи донишгоҳи мазкур  Эркин Кароматуллоев оид ба муҳтавою таърихи таҳия ва қабули Конститутсияи (Сарқонуни) Ҷумҳурии Тоҳикистон, баимзорасии Созишномаи истиқрори сулҳ ва ризоияти миллӣ ва 600-солагии бузургдошти Абдураҳмони Ҷомӣ маърӯзаҳо карданд.