Қочоқбарон чӣ мақсад доштанд?

Душанбе, 14.07.2014. (АМИТ «Ховар», Мавҷуда Анварӣ). —  Кормандони Агентии назорати маводи нашъаовари назди Президенти ҶТ ҳафтаи гузашта ҳангоми амалӣ намудани чорабиниҳои фаврӣ-ҷустуҷӯӣ дар ҳудуди шаҳри Душанбе, сокини 44-солаи ноҳияи Қумсангирро дастгир намуданд. Ҳангоми боздошт аз ӯ халтаи селофанӣ ёфт гардид, ки дар дохилаш афюн бо вазни 2 кг мавҷуд буд.Дар натиҷаи чораҳои андешидашуда боз як ҳаммаслаки боздоштшуда сокини 39-солаи ноҳияи Панҷ дастгир гардид.Боздоштшудагон маводи нашъаоварро аз шаҳрванди Ҷумҳурии Исломии Афғонистон бо мақсади интиқол додан аз қаламрави Тоҷикистон харидорӣ намуданд.Аз рӯи ҳодисаи мазкур парвандаи ҷиноӣ оғоз гардидааст.