Ҳодисаҳои садамавӣ пешгирӣ мешаванд

Душанбе, 9.07.2014. (АМИТ «Ховар», Мавҷуда Анварӣ). — Бо ибтикори Ташкилоти ҷамъиятии мададгори мудофиа дар шаҳри Душанбе машқгоҳи мошинронии автоматии ҷавобгӯ ба талаботи муосири машқҳои амалии ронандагӣ бунёд мешавад. Айни ҳол дар ин иншоот таъмиру азнавсозӣ идома доранд. Машқгоҳ бо таҷҳизоти зарурии техникӣ ва асбобҳои таълимӣ ҷиҳати омӯзондан ва сайқал додани малакаи ронандагӣ ва омодасозии соҳибкасбони ин соҳа муҷаҳҳаз хоҳад гашт.Ташкили дарсҳои амалӣ дар машқгоҳи мошинронӣ имкон медиҳад, ки маҳорати ронандагони оянда дар идораи воситаҳои нақлиёт такмил ёфта, беэътиноӣ ба қоидаҳои ҳаракат дар роҳ, ҳодисаҳои садамавӣ ва нохуши нақлиётӣ пешгирӣ шаванд.