Ҷаласаи ниҳоии Кумитаи тадорукоти Чемпионати ҷаҳон
Душанбе, 26.07.2014 (АМИТ «Ховар»). 25 июн ҷаласаи ниҳоии ҳайати Кумитаи тадорукоти ташкил ва баргузории Чемпионати ҷаҳон байни наврасон оид ба таэквандо (ITF) баргузор гардид. Ҷаласаи мазкурро, муовини Сарвазири Ҷумҳурии Тоҷикистон Марҳабо Ҷабборӣ, ки раисии Кумитаро бар уҳда дорад, ҳусни ифтитоҳ бахшида, ҳозиринро бо рӯзномаи маҷлис ошно намуд. Муовини Сарвазир дар бораи муҳимият ва афзалити Чемпионати мазкур зикр намуда, аз ҷумла қайд кард: «Чунин чорабинии сатҳи ҷаҳонӣ бори нахуст дар Тоҷикистон доир шуда, яке аз рӯйдодҳои муҳими кишварамон ба шумор меравад. Дар он зиёда аз 600 нафар варзишкорону мураббиён ва меҳмонон аз 52 кишвари ҷаҳон ширкат хоҳанд кард ва бояд он дар сатҳе баргузор гардад, ки ҳар яки меҳмонон бо таассуроти амиқе аз кишвари мо баргарданд». Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода аз ҷараёни омодагӣ ба Чемпионати мазкур гузориш дода, қайд намуд, ки гурӯҳи кории вобаста ба ин чорабинии муҳим то ба имрӯз зиёда аз 15 ҷаласа гузаронида, дар онҳо бандҳои нақшаи чорабиниҳоро мавриди баррасӣ қарор додаанд. Айни замон барои дар сатҳи баланд баргузор намудани Чампионати мазкур тамоми воситаҳои зарурӣ муҳайё карда шудааст.Сипас, ҳар кадом аз масъулини вазорату идораҳо ва мақомотҳои дахлдор оид ба рафти иҷрои нақшаи чорабиниҳои ташкил ва баргузор намудани Чемпионати ҷаҳон байни наврасон оид ба таэквандо аз рӯи бандҳои марбута гузориш доданд. Дар фарҷоми ҷаласа М.Ҷабборӣ ҳайати Кумитаи тадорукотро оид ба таъмин намудани иҷрои бандҳои нақшаи чорабиниҳо ва ташкили сатҳи баланди баргузории он таъкид намуда, ёдовар шуд, ки ин чорабинии муҳим таҳти назорати қатъии ташаббускори асосии он Сарвари Давлат Эмомалӣ Раҳмон қарор дорад.Бояд қайд намуд, ки баргузории Чемпионати ҷаҳон байни наврасон оид ба таэквондо (ITF), аз 7 то 11-уми августи соли 2014 дар шаҳри Душанбе пешбинӣ шудааст.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






