20 миллион $ барои бунёди терминали боркашонӣ
Душанбе, 29.07.2014.(АМИТ «Ховар», Марзия Саидзода).-Фурудгоҳи байналмилалии Душанбе, Вазорати нақлиёти Ҷумҳурии Тоҷикистон ва Агентии Ҷопон оид ба рушди байналмилалӣ /JICA/ протоколи сеҷонибаро ба имзо расониданд, ки тибқи он Ҳукумати Ҷопон барои сохтмони терминали боркашонии Фурудгоҳи байналмилалии Душанбе 20 миллион $ ҳамчун грант ҷудо менамояд. Маблағи мазкур, инчунин барои харидории системаи фуруди автоматии ҳавопаймоҳо(системаи ILS) ва системаи чароғакҳои раҳнамоикунанда барои фуруди аниқи ҳавопаймоҳо (cистемаи PALS) истифода бурда мешавад . Алҳол аз ҷониби коршиносони JICA ва мутахассисони Фурудгоҳи байналмилалии Душанбе ҷанбаҳои техникии лоиҳаи сохтмони терминали боркашонӣ омӯхтаю таҳлил гардида, ҳисобҳои пешакӣ омода карда шудаанд. Лоиҳаи мазкур моҳи августи соли равон ҷиҳати тасдиқ ба Ҳукумати Ҷопон пешниҳод карда мешавад. Интизор меравад, ки дар нимаи дуюми соли 2014 байни Ҳукумати Ҷумҳурии Тоҷикистон ва Ҳукумати Ҷопон Созишнома дар бораи ҷудо намудани грант ба имзо расида, корҳои сохтмонӣ шурӯъ гарданд. Аз Фурудгоҳи байналмилалии Душанбе ба АМИТ «Ховар» иттилоъ доданд, ки сохтмони терминали боркашонӣ ва бо таҷҳизоти муосир ҷиҳозонидани фуругоҳ дар оянда имконият медиҳанд, ки боркашонии ҳавоӣ беш аз пеш афзоиш ёфта, дар ин самт ширкатҳои байналмилалии ҳавонавардӣ ба ҳамкорӣ ҷалб карда шаванд. Инчунин сохтмони терминали боркашонӣ шароити мусоид фароҳам меорад то ҳавопаймоҳо дар хати нишасту парвоз фуруди дақиқ намоянд, инчунин барои парвозҳои транзитӣ шабакаи хатсайрӣ ташкил карда шуда, содироти маҳсулоти кишоварзӣ аз кишвар зиёд гардида, имкон медиҳад, ки ҷумҳуриамон аз бунбасти коммуникатсионии боркашонии ҳавоӣ бароварда шавад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






