Амонатбонк: Талабот ба кортҳои пардохтии бонкӣ меафзояд
Душанбе, 15.07.2014.(АМИТ «Ховар», Мавҷуда Анварӣ).- «То ба имрӯз Амонатбонк бо 2 ҳ. 859 корхонаву ташкилоти буҷавӣ ва ғайрибуҷавӣ тавассути кортҳои пардохтии бонкӣ ҳамкориро ба роҳ мондааст, ки нисбат ба ҳамин давраи соли 2013 чор маротиба зиёд мебошад»,- изҳор дошт Ҷамшед Нурмуҳаммадзода раиси Амонатбонк зимни нишасти матбуотие, ки имрӯз дар бонки мазкур баргузор гардид. Ҷ. Нурмуҳаммадзода ҳамчунин афзуд, ки айни ҳол филиалҳои Амонатбонк бо мақсади сари вақт ва бемамоният хизматрасонӣ намудан ба мизоҷон бо 126 адад банкомат ва 421 адад постерминалҳо ҷиҳозонида шуда, дар оянда низ харидорӣ намудани таҷҳизоти зикршуда дар назар аст.