Баррасии ҳуқуқҳои кӯдак дар сатҳи маҳал

Душанбе, 1.07.2014. (АМИТ «Ховар», Мавҷуда Анварӣ). — “Банақшагирии рушди маҳаллӣ ва ҳуқуқҳои кӯдак: Таҷрибаи ҳамкорӣ ва нақшаҳои минбаъда”, таҳти чунин унвон ҳафтаи гузашта дар Вазорати рушди иқтисод ва савдо мизи мудаввар бо иштироки намояндагони вазорату идораҳои дахлдор ва мақомоти иҷроияи ҳокимияти давлатии шаҳру ноҳияҳои таҷрибавӣ -Исфара, Рашт, Кӯлоб, Истаравшан, Ҷ. Румӣ ва Шуғнон баргузор гардид. Сармутахассиси раёсати рушди минтақаҳо ва мониторинги иҷрои барномаҳои миллӣ Мустафо Абдуллоев ва намояндаи Хазинаи кӯдакони СММ Юсуфхоҷа Қурбонхоҷаев дар мавзуъҳои “Банқшагирии рушди маҳаллӣ ва ҳуқуқҳои кӯдак: Таҷрибаи ҳамкорӣ ва нақшаҳои минбаъда”, “Мониторинг ва арзёбии барномаҳои рушди иҷтимоию иқтисодии минтақаҳо” ва “Ҷорӣ намудани масъалаҳои ҳуқуқҳои кӯдак дар раванди банақшагирии рушди иҷтимоию иқтисодӣ дар сатҳи маҳал: Таҷрибаи ҳамкорӣ ва нақшаҳо” маърӯза намуданд. Инчунин масоили марбут ба таҷрибаи андӯхташуда, сабақҳо ва мушкилиҳои ворид намудани масъалаҳои ҳуқуқҳои кӯдак дар мисоли шаҳру ноҳияҳои таҷрибавии Исфара, Кӯлоб ва Рашт мавриди баррасӣ қарор гирифта, нақшаҳои фаъолияти якҷоя дар оянда муҳокима шуд.