Боздиди намояндагони СММ ва СҶТ аз нуқтаҳои назоратӣ

Душанбе, 3.07.2014. (АМИТ «Ховар», Мавҷуда Анварӣ). — Дирӯз роҳбарияти Агентии назорати маводи нашъаовар бо ҳайати баҳодиҳии раёсати СММ оид ба маводи нашъаовар ва ҷинояткорӣ ва Созмони чаҳонии гумрук (СҶГ) дар доираи “Барномаи глобалии назорати интиқоли контейнерҳо” мулоқот намуд.Аъзоёни ҳайати баҳодиҳӣ зикр намуданд, ки дар рафти сафари худ онҳо бо фаъолияти чор нуқтаи назоратӣ-гузаргоҳии гумрукӣ дар ҳудуди Тоҷикистон шинос шуданд ва ин имкон медиҳад, ки ҳисоботи мутобиқ барои Ҳукумати Тоҷикистон аз рӯи натиҷаи сафар тартиб дода шавад.Ёдовар мешавем, ки “Барномаи глобалии назорати интиқоли контейнерҳо” дар Тоҷикистон давоми се сол амалӣ мешавад. Диққати асосии он ба такмил додани ихтисоси кормандони мақомоти ҳифзи ҳуқуқ ва таъмини моддӣ-техникии нуқтаҳои назоратӣ-гузаргоҳӣ равона шудааст.