Боздиди наврасони бадахшонӣ аз Осорхона ва Китобхонаи миллӣ

Душанбе, 16.07.2014 (АМИТ “Ховар” Фарзонаи Давлат).-Имрӯз бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Бахши ҷавонон, варзиш ва сайёҳии ноҳияи Шаҳринав 100 нафар ҷавонони Вилояти Мухтори Куҳистони Бадахшон, ки дар истироҳатгоҳи Қаратоғи ноҳияи Шаҳринав истироҳат менамуданд, аз Осорхона ва Китобхонаи миллӣ шаҳри Душанбе дидан намуданд. Бино ба иттилои Кумитаи мазкур ин боздид дар мафкураи онҳо ҳисси ватандуст, ваҳдату якдигарфаҳмиро бори дигар тақвият бахшид. Онҳо ин истироҳат ва боздиди таърихиро самараи истиқлолият ва сулҳу ваҳдат арзёбӣ намуда, ба Сарвари кишвар Эмомалӣ Раҳмон ҷиҳати дастгирӣ ва ҷалби онҳо бо истироҳатгоҳҳо арзӣ миннатдорӣ намуданд. Ҳамзамон таъкид доштанд, ки ҷавобан ба ин ғамхорию пуштибонӣ бо хониши аъло таҳсил намуда, барои ободу зебо намудани ватан-модари ягона Тоҷикистони азиз ҳисса мегузоранд.