Боздошти ноболиғ бо гумони дуздӣ

Душанбе, 2.07.2014. (НИАТ «Ховар», Мукаддас Темурзода).- 30 июни соли равон ба ШВКД дар ноҳияи Данғара шаҳрванд Нуриддинов Ашрафиддин Неъматуллоевич, соли таваллудаш 1971, сокини деҳаи Гулистони ноҳияи мазкур муроҷиат намудааст, ки 27 июн соати 20:00 шахсони номаълум тариқи пинҳонӣ аз дохили автомошинааш тамғаи “Opel-Astra”, ки дар назди хонаи истиқоматиаш беназорат меистод, 38 ҳазор рубли русӣ, 139 сомонӣ, 4 адад симкорт ва 1 адад телефони мобилии тамғаи “Nokia”, ки арзишашон 5679 сомониро ташкил медод, дуздида, аз ҷойи ҳодиса ғайб задаанд.  Бино ба иттилои хадамоти матбуоти ВКД, дар натиҷаи гузаронидани чораҳои фаврӣ-ҷустуҷӯӣ аз ҷониби кормандони милитсия ҳамчун гумонбар дар дуздӣ хонандаи синфи 9-уми мактаби миёна, сокини ҷамоати деҳоти Сангтӯда дастгир гардид. Ин ҳодиса мавриди тафтиш қарор дорад.