Бозии дӯстонаи футбол байни дастаҳои Тоҷикистону Қазоқистон
Душанбе, 30.07.2014. (АМИТ “Ховар”, Ситораи Боймурод).- 12-уми августи соли равон дар шаҳри Алмаато бозии дӯстона байни дастаҳои мунтахаби миллии футболи Тоҷикистону Қазоқистон баргузор мешавад. Тавре дар ин бораи сомонаи Федератсияи футболи кишвар хабар додааст, дар бораи баргузории бозии байналмилалии дӯстона байни дастаҳои мунтахаби миллии Қазоқистон ва Тоҷикистон раҳбарони созмонҳои футболи ҳарду кишвар ба мувофиқа расидаанд. Ёдовар мешавем, ки пеш аз бозӣ бо мунтахаби Қазоқистон, футболбозони тоҷик рӯзи 8-уми август дар Варзишгоҳи марказии шаҳри Душанбе бо мунтахаби Малайзия бозии дӯстона анҷом медиҳанд. Бояд гуфт, ки то ҳоло мунтахаби Тоҷикистон бо раҳбарии сармураббӣ Мӯҳсин Муҳаммадиев чор бозии дӯстона кардааст. Мунтахаби Тоҷикистон дар се бозии дӯстона бар тимҳои миллии Ҳиндустон, Қирғизистон ва Афғонистон пирӯз шуда, аз дастаи Эстония бо ҳисоби 1-2 шикаст хӯрдааст. Дар ҳамин ҳол мунтахаби Тоҷикистон дар рейтинги ФИФА дар мақоми 124-ум ва Қазоқистон дар мақоми 127-ум қарор доранд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






