Бозии дӯстонаи Тоҷикистону Малайзияро қазоқҳо доварӣ мекунанд
Душанбе, 23.07.2014. (АМИТ «Ховар», Ситораи Боймурод).- Бозии байналмилалии дӯстонаи байни дастаҳои мунтахаби миллии футболи Тоҷикистону Малайзияро ҳакамонҳо аз Қазоқистон доварӣ мекунанд.Тавре ки дар ин бора сомонаи Федератсияи футболи кишвар хабар додааст, довари FIFA Александр Алиев аз шаҳри Алмаатои Қазоқистон сардовари ин бозӣ таъин шудааст. Ба ӯ ёварони довари FIFA Сергей Васютин ва Самад Тергеусизов (ҳарду аз Алмаато) ба ҳайси доварони марзи майдон кӯмак хоҳанд кард.Бояд гуфт, ки ин аввалин бозӣ байни дастаҳои миллии Тоҷикистону Малайзия ба шумор меравад. Феълан мунтахаби Тоҷикистон дар феҳристи ФИФА дар мақоми 124-ум ва Малайзия дар мақоми 151-ум қарор доранд.Ба иттилои манбаъ, пас аз бозӣ бо Малайзия мунтахаби Тоҷикистон бо дастаи миллии Беларус бозии дӯстона анҷом медиҳад. Ин бозӣ 4-уми сентябр дар варзишгоҳи нави бошгоҳи футболи БАТЭ «Борисов-Арена», ки маросими кушоиши он 3-юми майи соли равон баргузор шуд, барпо мегардад.Ёдовар мешавем, ки бозии байналмилалии дӯстона миёни дастаҳои миллии Тоҷикистону Малайзия 8-уми августи соли равон, дар Варзишгоҳи марказии шаҳри Душанбе баргузор мешавад.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
