Чанд хабар аз хориҷи кишвар
Безараргардонии террорист дар Доғистон Душанбе, 3.07.2014 (АМИТ «Ховар»).-Бегоҳии рӯзи гузашта дар пойтахти Ҷумҳурии Доғистони Федератсияи Русия шаҳри Махачқалъа ҳангоми амалиёти кормандони полиси кишвар як нафар ҷинояткор безарар гардонда шуд. Мувофиқи иттилои расида, террорист дархости кормандони мақомоти полисро дар хусуси таслим шудан рад карда, муқобилияти мусаллаҳона нишон додааст. Фурӯрезии нақб дар Гондурас Душанбе, 3.07.2014 (АМИТ «Ховар»).- Мувофиқи иттилои «ИТАР-ТАСС» дирӯз дар шаҳри Чолутекаи қисми ҷанубии Гондурас як кони канданиҳои фоиданок фуру рафт. Бар асари ин ҳодиса 11 нафар кўҳкан дар дохили нақб дармонданд. Гуфта мешавад, ки то ҳол дар хусуси шумораи зарардидагон ва ҳалокшудагони ин ҳодиса маълумот дода нашудааст. Нишасти оҷили Айробус дар Амрико Душанбе, 3.07.2014 (АМИТ «Ховар»).-Ҳавопаймои ширкати «Кантас эйрвейз» Айробус А380, ки аз хатсайри шаҳри Лос-Анҷелос ба Мелбруни Австралия парвоз мекард, оҷилан дар фурудгоҳи шаҳри Лос-Анҷелоси Иёлоти Муттаҳидаи Амрико бидуни ягон осеб ба замин нишаст. Гуфта мешавад, ки дар дохили ҳавопаймо 400 нафар мусофир қарор дошааст. Мутахассисон сабаби нуқсро муайян менамоянд. Хабари хадамоти кашшофии Финландия Душанбе, 3.07.2014 (АМИТ «Ховар»).-Мувофиқи иттилои Хадамоти кашшофии Финландия сохторҳои давлатии Финляндия ҳадафи ҳамлаи рамзшиканони компютерӣ дар ҳудуди кишварҳои хориҷӣ қарор гирифтаанд. Ба гуфти Хадамоти кашшофӣ бештар Вазорати корҳои хориҷии ин кишвар мавриди ҳамлаи рамзшиканон қарор гирифтааст. Вохӯрии муҳоҷирони африқоӣ дар Олмон Душанбе, 3.07.2014 (АМИТ «Ховар»).-Ҳафтаи равон дар шаҳри Берлини Олмон гуфтушунид дар байни чанд нафар муҳоҷирони африқоӣ ва ҳукуматдорони маҳаллӣ сурат гирифт.Мувофиқи иттилои расида, пас аз гуфтушунид ҳукумати маҳаллии шаҳри Берлин ба муҳоҷирон иҷозат дод, ки чанд муддати дигар дар дохили биноҳои нави таъмиршуда умр ба сар баранд. Вале, онҳо кўшиш доранд, ки ба гирифтани мақоми гуреза соҳиб шаванд. Аммо то ба ҳол ҳукуматдорони Олмон аз қонунӣ гардонидани ин талаботи онҳо худдорӣ менамоянд. Тарҷумаи Иброҳими Ҳабибуллоҳ
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
