Чкалов: Кумаки моддӣ ба шахсони имконияташон маҳдуд

Душанбе, 10.07.2014. (АМИТ «Ховар», Ситораи Боймурод).- Аз ҷониби мақомоти иҷроияи ҳокимияти давлатии шаҳри Чкалов дар доираи таҷлили Рӯзи маъюбон ва пиронсолон ба 10 нафар шахсони дорои имконияташон маҳдуд, яккаву танҳо ва камбизоати шаҳр кӯмакҳои моддӣ расонида шуд.Тавре ки дар ин бора аз хадамоти матбуоти раиси вилояти Суғд хабар доданд, раиси шаҳри Чкалов Рухсора Давлатзода ба хонаи шахсони ниёзманди дастгирӣ ташриф оварда, аз ҳолу аҳволи эшон пурсон шуд ва маводҳои ғизоиро тақдим намуд.Рухсора Давлатзода баён дошт, ки бо сарварии Ҷаноби Олӣ, муҳтарам Эмомалӣ Раҳмон шахсони ниёзманд ҳамеша зери таваҷҷуҳи Ҳукумати Ҷумҳурии Тоҷикистон ва мақомотҳои иҷроияи ҳокимияти маҳаллӣ қарор гирифта, пайваста ба онҳо ғамхориҳо зоҳир мегардад.Ҳамзамон зимни аёдат роҳбарияти шаҳр изҳор дошт, ки аз ҷониби мақомоти иҷроияи ҳокимияти давлатии шаҳр ба шахсони эҳтиёҷманд минбаъд низ кумакҳои зарурӣ расонида хоҳад шуд.