Даргузашти Ҷонибеки Акобир

Июль 25, 2014 15:51

Душанбе, 25.07.2014 (АМИТ «Ховар»).- Ҷонибеки Акобир, Нависандаи халқии Тоҷикистон, сармуҳаррири нашрияи миллии адабии «Садои Шарқ» рӯзи 25 июл дар синни 62 ба зиндагӣ падруд гуфт.Ҷонибеки Акобир дар солҳои охир аз асароти сактаи мағз азоб мекашид, бо вуҷуди ин то замони маргаш ҳамчун сардабири маҷаллаи адабии «Садои Шарқ» кор мекард. Ҷонибеки Акобир соли 1952 дар рустои Рӯшании ноҳияи Комсомоболод(Нурободи ҳозира) ба дунё омада, соли 1980 факултаи таърихи Донишгоҳи давлатии Тоҷикистонро хатм кардааст.Ҷонибеки Акобир дар солҳои 80 ва авоили солҳои 90 ба ҳайси мудири шӯъбаи насри маҷаллаи «Садои Шарқ» кор мекард. Ӯ соли 1992 як муддат сухангӯи Раиси Шӯрои Олии Тоҷикистон Акбаршоҳ Искандаров буд. Аз соли 1997 сардабири маҷаллаи «Садои Шарқ» таъйин шуд . Ҷонибеки Акобир беҳтарин асарҳои худро дар маҷмӯаҳои «Дунё ба умед» (1983), «Хирмани ситора» (1985), «Кӯҳистонӣ» (1987), «Пазмонӣ» (1990) манзури хонандагон гардонидааст. Охирин асари калонҳаҷми ӯ «Қаламҳои кӯҳистонӣ» (2012) аз ҷониби хонандагон ва нақди адабӣ хуш пазируфта шуд.Ҷонибеки Акобир асарҳои ҷудогонаи И.С. Тургенев, Иво Андрич, И.Биэшу, П.Проскурин ва дигар адибони ҷаҳонро ба забаони тоҷикӣ тарҷума кардааст. Осори худи ӯ низ ба забонҳои русӣ, украинӣ, узбекӣ, олмонӣ в ғайра тарҷума шудаанд.Ҷонибеки Акобир барандаи Ҷоизаи ҷавонони Тоҷикистон (1990) ва Ҷоизаи адабии ба номи Садриддин Айнӣ буд.Аз соли 1984 узви Иттифоқи нависандагони Тоҷикистон буд.

Июль 25, 2014 15:51

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид