Дарёфти тифли навзод

Душанбе, 22.07.2014. (АМИТ «Ховар», Муқаддас Темурзода).-Дирӯз тахминан соати 07.00-дақиқа, дар ошёнаи 2-юми бинои 9-ошёна, назди дари хонаи истиқоматии шаҳрванд Яминшо Ҷамолов соли таваллудаш 1949, истиқоматкунандаи ш. Хоруғ, тифли навзоди ҷинсаш мард, тахминан 1-рӯза, вазнаш 3-кг 350-грамм, ки аз тарафи шахси номаълум гузошта шуда, ҳаёти навзод дар хатар монда будааст, дарёфт гардид. Барои муайян ва дастгир намудани модари тифли навзод аз ҷониби кормандони милитсия чорабиниҳои фаврӣ-ҷустуҷӯӣ идома дорад.Дар ин бора ВКД ҶТ хабар медиҳад.