ДМТ: магистрон дар солҳои таҳсили 2014-2015 бо стипендия таъмин хоҳанд шуд

Душанбе, 8.07.2014. (АМИТ «Ховар», Ситораи Боймурод).- Донишҷӯёне, ки давраи аввали сессияи санҷишию имтиҳониро дар вақти муйяншуда супориданд ба гирифтани стипендия мушарраф гардиданд. Аз натиҷаи сессияи зимистона аз 5618 нафар донишҷӯёни шӯъбаи рӯзонаи донишгоҳ 52,8% яъне 2968 нафар стипендия гирифтанд, гуфт зимни нишасти хабарӣ Абдусалом Миралиев, муовини ректори ДМТ оид ба таълим.Ҳамчунин қайд намуд, ки барои донишҷӯёне, ки бо баҳои аъло таҳсил намуда, ахлоқи намунавӣ доранд, дар соли таҳсили сипаригашта аввалин маротиба барои 11 нафар донишҷӯ стипендияи Президенти Ҷумҳурии Тоҷикистон дода шуд. Барои донишҷӯёни донишгоҳ 36 адад стипендияҳои номӣ муайян шудааст, ки ба донишҷӯёни аълохон дода мешавад.Барои бо стипендия таъмин намудани магистрантон ба сохторҳои дахлдор мактуб ирсол карда шуд, ки аз соли нави таҳсил ба магистроне, ки дар гурӯҳҳои буҷавӣ таҳсил намуда, бо баҳои аъло имтиҳонҳоро супоридаанд стипендия муқаррар карда мешавад.