Ду нишони дзюдочиёни кишвар аз Тайланд
Душанбе, 29.07.2014 (АМИТ “Ховар”, Фарзонаи Давлат).- Варзишгарони тоҷик дар мусобиқаи кушоди Осиё оид ба дзюдо «Asian Open Taipei 2014», ки рӯзҳои 27-ум 28-уми июли молҳи равон дар Тайван баргузор шуд, ду медали нуқра ба даст оварданд.Тавре ки дар ин бора аз Кумитаи миллии олимпии кишвар хабар доданд, дар ин мусобиқа рейтинги олимпии Тоҷикистонро ду паҳлавон — Фарҳод Раҳимов дар вазни то 81 кг ва Комроншоҳи Устопириён дар вазни то 90 кг таҳти раҳбарии мураббии шоистаи Русияву Тоҷикистон Владимир Елчанинов намояндагӣ карданд.Гуфта мешавад, ки Фарҳод Раҳимов дар даври аввал бар Линг Чанг-Чих аз, баъдан бар Кочарат Нопача ҳарду аз Тайланд ва барои ба финал баромадан бар Ву Ренбаген пирӯз шуд. Вале дар қувваозмоии ниҳоӣ аз Ли Чангмин паҳлавон аз Кореяи Ҷанубӣ шикаст хӯрд ва бо гирифтани нишони биринҷӣ, мақоми дуюмро касб кард. Комроншоҳи Устопириён, ки дар даври аввал озод буд, дар даври дуюм бар Юн Тайхюн аз Кореяи Ҷанубӣ ғолиб омад. Барои ба даври ниҳоӣ роҳ ёфтан бар Хун Чай Гу (Кореяи Ҷанубӣ) ғалабаи соф (иппон) ба даст овард. Вале паҳлавони тоҷик дар қувваозмоии ҳалкунанда аз рақибаш Кирилл Денисови русиягӣ мағлуб гашт. Ҳамин тавр ҳар ду варзишгарони кишвар, ки Тоҷикистонро дар ин мусобиқа муаррифӣ мекарданд, медали бириҷиро дар вазнҳои худ соҳиб гаштанд ва бо 60-имтиёзӣ сазовори роҳхатҳо ба Бозиҳои XXXI тобистонаи олимпии соли 2016 дар Бразил гардиданд.