Дурахши ахтари сӯзон

Душанбе, 21.07.2014.(АМИТ «Ховар», Мавҷуда Анварӣ).- Ҷилди дуюми маҷмӯаи мақолаҳо оид ба зиндагӣ ва паҳлуҳои кори муҳаққиқии донишманди тоҷик Лутфулло Бузургзода бо номи «Дурахши ахтари сӯзон» бо тавзеҳу тасҳеҳоти адабиётшиноси шинохта Валӣ Самад ба дасти хонанда расид. Китоб аз 6 боб иборат буда, мақолаҳои олимони забон ва адабиёти тоҷику рус Р. Ғаффоров, Ҳ. Муҳаммадиев, Ш. Бобомуродов, А. Самад, А. Хромов, С. Назарзода, А. Сӯфизода, Д. Хоҷаев ва дигаронро перомуни шахсият, диловарии эҷодӣ ва паҳлуҳои гуногуни осори Лутфулло Бузургзода фаро мегирад.