Фаъолияти 555 адад шӯъбаҳои алоқаи КВД «Почтаи тоҷик»

Душабе, 31.07.2014. (АМИТ «Ховар», Ситораи Боймурод).-Имрӯз зимни нишасти хабарӣ масъулини Хадамоти алоқаи кишвар иброз намуданд, ки дар қаламрави Ҷумҳурии Тоҷикистон 555 адад шӯъбаҳои алоқаи КВД «Почтаи Тоҷик» фаъолият мекунад. Мувофиқи ҳисоботҳои пешакӣ дар соли 2014 аз тарафи КВД «Почтаи Тоҷик» ба андозаи 2,7млн. сомонӣ хизмат расонида шуд.Гуфта шуд, ки ҳаҷми муросилоти почта ва матбуоти даврӣ дар Душанбе дар 1 ҳафта 5 маротиба, дар шаҳру ноҳияҳои ҷумҳурӣ дар як ҳафта 3-4 маротиба ба роҳ монда шудааст.Дар ҷараёни нишаст қайд гардид, ки аз ҳисоби корхонаҳои зерсохтори Хадамоти алоқа дар донишгоҳҳои бурунмарзӣ 32 нафар ва дар Донишгоҳи техникии Тоҷикистон аз рӯи ихтисоси соҳа 4 нафар донишҷӯ донишомӯзӣ менамоянд.Баҳри беҳтар намудани вазъи иҷтимоии коргарон ва нигоҳ доштани мутухассисони соҳа Хадамоти алоқа дар шаҳри Душанбе, мавзеъи Зарафшон сохтмони 3-адад хонаҳои баландошёнаро идома истодааст.