ФФТ беҳтаринҳоро муайян кард

Душанбе, 07.07.2014. (АМИТ «Ховар», Ситораи Боймурод).- Федератсияи футболи Тоҷикистон беҳтарин бозингар, беҳтарин мураббӣ ва беҳтарин довари моҳи июнро муайян кард.Тавре ки дар дар ин бора сомонаи ФФТ хабар додааст, Кароматулло Саидов, нимҳимоятгари дастаи футболи «Вахш»-и Қӯрғонтеппа ва мунтахаби наврасони Тоҷикистон, беҳтарин бозингар, Мубин Эргашев, сармураббии дастаи “Истиқлол”-и Душанбе, беҳтарин мураббӣ ва ёвари довари ФИФА Сайёдҷон Зайниддинов аз шаҳри Душанбе беҳтарин довар дар моҳи июн эълон шуданд.Гуфта мешавад, ки ба беҳтаринҳои моҳи июн ҷоизапулӣ, ҳар кадом ба маблағи 500 сомонӣ супурда мешавад.