Иштироки намояндагони Саридораи геология дар чорабиниҳои байналмилалӣ

Душанбе, 08.07.2014 (АМИТ «Ховар», Фарзонаи Давлат).- Саридораи геологияи назди Ҳукумати Ҷумҳурии Тоҷикистон 11 нафар кормандони ҷавони Саридораро барои такмили ихтиссос ва омӯзиши курсҳо ба кишварҳои хориҷ равона кардааст, ки нисбат ба соли гузашта шумораи такмили ихтисосҳо зиёд мебошад, -гуфт сардори Саридораи геологияи тоҷик Ҷумъазод Мурод Хол зимни ҳисоботи шашмоҳаи Саридора ба хабарнигорон.Ба иттилои мавсуф ин мутахассисони ҷавон, ки 4 нафар бо кишвари Финляндия ва 7 нафари дигар бошад ба Ҷумҳурии мардумии Чин фиристонида шуданд, тибқи шартномаи Саридора бо корхонаҳои хориҷ аз кишвар равона шудааст.«Дар ин давра ҳамчунин намояндагони Саридора дар якчанд чорабиниҳои байналмилалӣ, аз ҷумла Конгресси «Ассотсиатсияи корҳои иктишофӣ ва истихроҷии Канада (PDAC)», «Чорабинии ҷамъбасти ҳамкориҳо дар фазои устувор нигоҳдории захираҳои табиӣ» иштирок ва захираҳои табиӣ Тоҷикистонро муаррифӣ намудаанд», -иброз дошт Ҷумъазод Мурод Хол дар нишасти хабарӣ ба хабарнигорон.