Истеҳсоли семент афзуд
Душанбе, 9.07.2014. (АМИТ «Ховар», Мавҷуда Анварӣ). — Дар нимсолаи аввали соли ҷорӣ ҳаҷми истеҳсоли семент дар ҷумҳурӣ 496,6 ҳазор тоннаро ташкил дод, ки нисбат ба ҳамин давраи соли гузашта 473 ҳазор тонна зиёд аст. Тавре ки ба АМИТ “Ховар” аз Вазорати саноат ва технологияҳои нав иттилоъ доданд, пешсафи истеҳсоли семент дар кишвар ширкати «Хуаксин Ғайюр семент» мебошад. Аз ҳаҷми умумии истеҳсол 362,8 ҳазор тонна ба ин ширкат рост меояд. Дар ин давра «Тоҷиксемент» 101,6 ҳазор тонна семент истеҳсол кардааст. Дар истеҳсоли қисме аз ин масолеҳи сохтмон корхонаҳои хурди ҷумҳурӣ саҳм гузоштанд.