Кӯмакҳои иҷтимоӣ ба аҳолии камбизоат-семинар

Душанбе, 31.07.2014 (АМИТ “Ховар”, Фарзонаи Давлат).- “Ҳифзи иҷтимоии аҳолӣ ва механизми беҳтар гардонидани кӯмакҳои иҷтимоӣ ба аҳолии камбизоат”, таҳти чунин ном имрӯз дар Агентии давлатии суғуртаи иҷтимоӣ ва нафақа назди Ҳукумати Тоҷистон семинар-машварат доир гардид. Семинар, ки бо ташаббуси Агентии давлатии ҳифзи иҷтимоии аҳолии Вазорати тандурустӣ ва ҳифзи ичтимоии аҳолии Тоҷикистон доир гардид, дар он коршиносони соҳа иштирок ва дар мавзӯй мазкур маърӯза ва пешниҳодҳо карданд.Гуфта мешавад, ки семинари мазкур бо мақсади амалӣ намудани сиёсати пешгирифтаи ҳукумати кишвар дар самти ҳифзи иҷтимоии аҳолӣ ва тақвият бахшидани фаъолияти шуъбаҳо ва бахшҳои ҳифзи иҷтимоии аҳолӣ дар маҳалҳо ташкил карда шудааст.