Корҳои ободонӣ дар Муъминобод

Муъминобод, 14.07.2014. (АМИТ «Ховар», Сулаймон Холов).- Дар ноҳияи Муъминобод корҳои ободонию созандагӣ рӯз аз рӯз вусъати тоза ёфта, тибқи қарору фармонҳои воридгардида аз ҷониби корхонаи давлатии фаръии манзилию комуналии ноҳия нақшаи чорабиниҳо тартиб дода шудааст, ки айни ҳол корҳои ободонӣ дар ноҳия ҷараён дорад. Бино ба иттилои директори корхонаи мазкур Сайфулло Наботов то ин давра кормандони корхона ба маблағи 213180 сомонӣ корҳои ободонию тозагиро ба итмом расонидаанд ,ки нисбат ба нақша 65980 сомонӣ зиёд мебошад. Корхонаи мазкур дорои қитъаи ниҳолпарварӣ буда , бо мақсади афзоиш додани ниҳолҳои сояафкану мевадиҳанда дар ниҳолхона 16 000 бех ниҳолҳои гуногуни ороишию мевадиҳанда парвариш карда мешавад, ки талаботи корхонаро пурра таъмин намуда, метавонанд дигар муассисаҳоро низ ба ниҳол таъмин намояд.