Корхонаю коргоҳҳои саноатӣ дар ҷумҳурӣ меафзоянд

Душанбе, 24.07.2014. (АМИТ «Ховар», Раъно Нусратуллозода).- Имрӯз зимни нишасти матбуотӣ вазири саноат ва технологияҳои нави Ҷумҳурии Тоҷикистон Шавкат Бобозода гуфт, ки дар нимсолаи аввали соли ҷорӣ бо ҷалби сармояи ватанӣ дар соҳа 48 корхонаю коргоҳҳои саноатии дорои технологияи пешқадам бо 613 ҷойҳои нави корӣ бунёд ва ба фаъолияти истеҳсолӣ шурӯъ намуданд, ки ин дар таъмини амнияти озуқавории кишвар, зиёдшавии ҳаҷми истеҳсоли маҳсулот ва иқтидорҳои истеҳсолӣ мусоидат намуд. Дар ин давра ҳаҷми истеҳсоли маҳсулоти ширӣ, гӯшт ва маҳсулоти гӯштӣ, ҳасиб, машруботи ғайриспиртӣ ва обҳои маъданӣ нисбат ба ҳамин соли гузашта зиёд гардида, истеҳсоли панир, консерваи меваю сабзавот, спирти этилӣ, арақ, оби ҷав нисбат ба ҳамин давраи соли гузашта кам гардидааст.