Модари солим- ҷомеаи солим

Душанбе, 2.07.2014. (АМИТ «Ховар», Ситораи Боймурод).- Бо мақсади пешгирии фавти модару кӯдак, бемориҳои нашъамандӣ ва ВИЧ/СПИД, тарғиби тарзи ҳаёти солим, баланд бардоштани сатҳи маърифатнокии аҳолӣ, хусусан занон доир ба масъалаҳои солимии репродуктивӣ ва танзими оила аз ҷониби шуъбаи кор бо занон ва оилаи мақомоти иҷроияи ҳокимияти давлатии вилояти Суғд дар ҳамкорӣ бо Раёсати тандурустии вилоят 1-уми июли соли равон дар ҷамоати деҳоти «Ниҷонӣ»-и шаҳри Истаравшан семинар-машварати минтақавӣ таҳти унвони «Модари солим- ҷомеаи солим» гузаронида шуд.Дар он зиёда аз 34 нафар занону духтарони хонанишин, аз ҷумла занони яккаву танҳо, заноне, ки шавҳаронашон дар муҳоҷирати меҳнатӣ мебошанд, иштирок намуданд.Хадамоти матбуоти раиси вилояти Суғд хабар медиҳад, ки дар семинар таваҷҷуҳи занон оид ба пешгирии фавти модару кӯдак, баланд бардоштани сатҳи маърифатнокии аҳолӣ, хусусан занон доир ба масъалаҳои солимии репродуктивӣ, сиҳатии модару кӯдак ҷалб карда шуд.