Муборизаи ҳашт даста барои Ҷоми футзали Тоҷикистон

Душанбе,3.07.2014 (АМИТ “Ховар” Меҳрони қурбон).- Федератсияи футболи Тоҷикистон иттилоъ медиҳад, ки ба марҳилаи ниҳоии Ҷоми кишвар дастаҳои шаҳри Душанбе — DISI, «Бонки миллӣ», «Газпром» ва «Динамо», инчунин тимҳои вилояти Суғд — «Эсхата», «Сипар», «Имон Интернешнл» ва «Ал-Маъруф» — роҳ ёфтанд. Қуръакашии марҳалаи ниҳоии Ҷоми Тоҷикистон 4-уми август дар шаҳри Хуҷанд барпо мегардад. Дар марҳилаи ниҳоӣ дастаҳо ба ду гурӯҳӣ аз чаҳор даста тақсим мешаванд. Даври гурӯҳӣ аз 5-ум то 7-уми август доир хоҳад шуд. Ёдовар мешавем, ки аз ҳар гурӯҳ ду дастаи беҳтарин ба даври ниманиҳоӣ роҳ меёбанд. Бозиҳои ниманиҳоӣ 9-уми август, бозии ниҳоӣ 10-уми август баргузор мешаванд.