Мулоқоти Қоҳир Расулзода бо Чжун Шан
Душанбе, 4.07.2014. (АМИТ «Ховар», Зарангези Латиф).- Дирўз Сарвазири мамлакат Қоҳир Расулзода бо Намоянда оид ба музокироти байналмилалии тиҷоратии мҳурии мардумии Чин дар сатҳи вазир Чжун Шан, ки бо ҳайати намояндагони кишвараш барои иштирок дар ҷаласаи 6-уми Комиссияи байниҳукуматии Ҷумҳурии Тоҷикистон ва Ҷумҳурии мардумии Чин оид ба ҳамкориҳои иқтисодӣ- тиҷоратӣ ба Душанбе омадааст, мулоқот кард.Бо қаноатмандӣ аз натиҷаҳои кори комиссия изҳори боварӣ карда шуд, ки муносибатҳои дуҷонибаи ду давлат дар ҳама соҳаҳо дар оянда низ бо суръати назаррас рушду тавсеа меёбанд. Ҷонибҳо дар мулоқот масоили таҳкими ҳамкориҳо дар татбиқи лоиҳаҳои хурду бузурги байнидавлатӣ ва минтақавӣ , аз ҷумла иштирок дар татбиқи лоиҳаи сохтмони роҳҳои оҳану мошингард, хусусан қитъаи роҳи оҳани Ваҳдат-Ёвон, марҳилаи сеюми роҳи мошингарди Душанбе-Кулма, хати транзитии интиқоли газ , навсозии корхонаи алюминии тоҷик ва сохтмони марҳилаи дуюми маркази барқу гармидиҳии Душанбе-2- ро мавриди баррасӣ қарор дода, дар ин самт барои тезонидани раванди гуфтушунидҳо ва имзои қарордодҳои ҳамкорӣ таклифу пешниҳодоти худро баён доштанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
