Мулоқоти Қоҳир Расулзода бо Валерий Гулев

Душанбе, 09.07.2014. (АМИТ «Ховар»).-Имрӯз Сарвазири Ҷумҳурии Тоҷикистон Қоҳир Расулзода бо Директори идоракунандаи Ширкати «Газпром Интернэшнл Б.В.» Валерий Гулев мулоқот кард.Дар мулоқот масоили марбут ба татбиқи лоиҳаҳои ҳамкорӣ дар соҳаи нафту газ дар қаламрави Ҷумҳурии Тоҷикистон ва нақшаи ҳамкориҳои минбаъдаи дуҷониба дар соҳаи мазкур барои оянда мавриди баррасӣ қарор дода шуд.Ҷонибҳо аз ҷумла рафти иҷрои Созишнома оид ба гузаронидани корҳои геологӣ-ҷустуҷӯӣ дар майдонҳои ояндадори нафту гази Ҷумҳурии Тоҷикистонро, ки моҳи июни соли 2008 байни Ҳукумати Ҷумҳурии Тоҷикистон ва Ҷаъмияти саҳомии шакли кушодаи (ҶСК) «Газпром» ба имзо расида аст, мавриди муҳокима қарор доданд.Барои таҳкими ҳамкориҳо дар соҳаи нафту газ, таъмини иҷрои лоиҳаҳои ҳамкориҳои дуҷониба ва баррасии рафти иҷрои ин лоиҳаҳо зарурияти дар шаҳри Душанбе дар соли равон гузаронидани конференсияи геологҳо махсус таъкид карда шуд.