Мунтахаби Малайзия ба Душанбе меояд
Душанбе, 21.07.2014. (АМИТ «Ховар», Ситораи Боймурод).- Долла Солеҳ, сармураббии нави мунтахаби миллии футболи Малайзия, ҳайати дастаашро дар бозии дӯстона бо дастаи миллии Тоҷикистон эълон кард.Тавре ки дар ин бора сомонаи Федератсиони футболи кишвар хабар додааст, ҳайати варзишии Малайзия бо шумули 34 нафар рӯзи 5-уми августи соли равон ба Душанбе меояд.Ёдовар мешавем, ки бозии дӯстона байни дастаҳои мунтахаби миллии Тоҷикистон ва Малайзия 8-уми август дар Душанбе, дар Варзишгоҳи марказии ҷумҳуриявӣ шурӯъ мешавад. Дарвоқеъ, ин нахустин бозӣ байни дастаҳои мунтахаби Тоҷикистону Малайзия ба шумор меравад.