Муовинони раиси шаҳр дар назди вакилон гузориш медиҳанд
Душанбе, 09.07.2014.(АМИТ “Ховар”, Марзия Саидзода).- Раиси шаҳри Душанбе Маҳмадсаид Убайдуллоев қарор ба имзо расонд, ки тибқи он 31 июли соли равон дар пойтахт иҷлосияи нуздаҳуми Маҷлиси вакилони халқи шаҳри Душанбе даъвати чорум баргузор мегардад. Интизор меравад, ки дар иҷлосияи шаҳрӣ масоили марбут ба баргузор намудани Рӯзҳои шаҳри Душанбе ва ноҳияҳои он дар шаҳраку маҳаллаҳо ва омодагии пойтахт ба ҷаласаи навбатии Шӯрои сарони давлатҳои аъзои Созмони ҳамкории Шанхай матраҳ мегарданд. Ҳамзамон дар назди вакилони шаҳрӣ муовинони раиси шаҳр Бурҳон Назаров ва Низом Ҳакимов дар бораи қарорҳои қаблан қабулнамудаи шаҳрдорӣ оид ба ташкили захираи маҳсулоти озуқаворӣ дар пойтахт ва беҳдошти фаъолияти хизматрасонии нақлиёти мусофиркашӣ дар шаҳр гузориш медиҳанд. Инчунин баррасии масъалаи номгузорӣ ва номивазкунии маҳаллаю кӯчаҳо, майдону хиёбонҳо ва боғҳои пойтахт дар назар аст. Интизор меравад, ки дар ҷараёни иҷлосия вакилон як қатор қарорҳои раиси шаҳрро тасдиқ хоҳанд кард.
Дар Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор мешавад
Имрӯз дар шаҳри Душанбе ҳаво то 24 дараҷа гарм мешавад
Ҳаракати аввалин қатораи контейнерии озмоишӣ дар хатсайри «Чин – Тоҷикистон» ба самти Душанбе оғоз гардид
Дар ноҳияи Ёвон ба ифтихори Рӯзи Қувваҳои Мусаллаҳи Тоҷикистон ҳамоиш доир шуд
Хизмат дар сафи артиш нишонаи садоқат ба Ватан ва эҳсоси баланди ватандӯстӣ мебошад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар замини Литсейи касбии техникии саноати кишоварзии ноҳияи Ашт боғи зардолу бунёд карда мешавад
Дар қисми низомии Гвардияи миллӣ дар шаҳри Роғун ҳамоиш доир гардид
Дар Суғд соҳаи моҳипарварӣ рушд намудааст
Имрӯз дар Тоҷикистон туман мефарояд
РИОЯИ ТАРЗИ ҲАЁТИ СОЛИМ. Барои пешгирӣ аз бемории диабети қанд чӣ бояд кард?
ТАРЗИ ҲАЁТИ СОЛИМ. Дар боғҳои фарҳангӣ-фароғатии шаҳри Душанбе ҳар ҳафта машқҳои пагоҳирӯзӣ гузаронида мешаванд
