Мусобиқаи байналмилалии гӯштини дзюдо дар Белоруссия

Душанбе, 4.07.2014. (АМИТ «Ховар», Ситораи Боймурод).- Дар доираи омодагиҳо ба мусобиқаҳои байналмилалӣ 12-нафар варзишгарони тоҷик аз намуди гӯштини дзюдо ҷиҳати ширкат дар машқҳои таълимиву тамринӣ дар исторатгоҳи Белиничии Ҷумҳурии Белоруссия сарфарбар гардиданд. Тавре дар ин бора сомонаи Федератсияи дзюдои кишвар хабар медиҳад, тамринҳои варзишгарони тоҷик то 17-уми июли соли равон идома мекунад. Чунин омодагиҳо ба варзишгари тоҷик Фаррухи Салим як марҳилаи тайёрӣ ба дуюмин Бозиҳои Олимпии наврасон, ки дар Нанкини Ҷумҳурии мардумии Чин баргузор мегардад, ба ҳисоб меравад. Барои дигар варзишгарони навраси тоҷик бошад, омодагӣ ба Чемпионати Осиё байни наврасон, ки моҳи декабр дар Гонконг сурат мегирад, мебошад.