Мусобиқаи мубоҳисавии ҷоизаи «Ҷавонони пешсаф — 2014»
Душанбе, 14.07. 2014. (АМИТ «Ховар», Фарзона Достонзода).- Мусобиқаи мубоҳисавии минтақавии ҷоизаи «Ҷавонони пешсаф — 2014» Маркази бозори озоди Тоҷикистон бо ҳамкори ба филиали Каунтерпарт Интернэшнл дар Тоҷикистон, бо дастгирии молиявии Оҷонcии ИМА оид ба рушди байналхалқӣ (USAID) ва Фонди пажӯҳишҳои иқтисодии «Атлас», ва иштироки Ташкилоти ҷамъиятии «Занони Шарқ» 19 июл дар шаҳри Панҷакент баргузор мекунад. Тавре, ки ба АМИТ «Ховар» аз Маркази бозори озоди Тоҷикистон иттилоъ доданд, аввалин маротиба ин гуна чорабинӣ дар шаҳри Панҷакент баргузор мегардад ва махсус барои иштирокчиени Барномаи ҷавонони пешсаф ташкил мешавад. Ин барнома — ташаббуси чорсола буда, мақсади он дастгирии ҷавонони фаъол, пешбаранда ва аз лиҳози иҷтимоӣ бохиради Тоҷикистон ба шумор меравад. Мавриди зикр аст, ки мусобиқа аз рӯйи формати парламентии Мактаби Умумиҷахонӣ сурат мегирад ва ба мавзӯъҳои ичтимоиву-иқтисодӣ ва маъсалаи интихоби озод бахшида шудааст. Бинобар ин пеш аз мусобиқаи мубоҳисавӣ барои иштирокчиён тренинг оид ба формат ва техникаи мубоҳисавӣ гузаронида мешавад.Ба андешаи ташкилотчӣён, мақсади асосии ин мусобиқа — рушди ҳавасмандии ҷавонони минтақа барои ба даст овардани дониш ва мусоидат ба ташаккули шахсиятҳои нави шинохта равона шудааст.