Муваффақиятҳои АИК ҶТ дар шаш моҳ

Душанбе, 11.07.2014 (АМИТ “Ховар”, Фарзонаи Давлат).- Раёсат ва муассисаи илмии Академияи кишоварзии Тоҷикистон ҷиҳати иҷрои супоришҳои Ҳукумат ва Вазорати кишоварзии Тоҷикистон ва татбиқи барномаҳои давлатии рушди соҳаи кишоварзӣ корҳои илмию созмондиҳиро иҷро намудааст, ки ба натиҷаҳои муайян ноил гардидааст.Бино ба иттилои Академияи мазкур, дар ин давра 5 навъи зироати кишоварзӣ, аз ҷумла 2 навъи пахтаи миёнанахи “Б-70” ва “Лочин”, навъи сулии “Тоҷикӣ-70”, пиёзи навъи “Ҳисорӣ” ва картошкаи навъи “Файзобод” мувофиқи минтақаҳо кишт гардидаанд.Ҳамчунин гуфта мешавад, ки 5 навъи серҳосили зироати кишоварзӣ, пахтаи миёнанахи навъи “Тоҷикистон”, “Хатлон-2011”, гандуми навъи “Файзбахш”, “Шокирӣ”, “ИЗ-80” ва “Фарҳодӣ-60” ояндадор ҳисобида шудааст, 20 навъи зироати кишоварзӣ бошад ба Комиссияи давлатии озмоиши навъҳои зироатҳои кишоварзӣ ва муҳофизати навъҳои Вазорати кишоварзӣ барои санҷиш пешниҳод гардидаанд.