Натиҷагирӣ аз фаъолияти судҳои Хатлон

Душанбе, 3.07.2014. (АМИТ «Ховар», Мавҷуда Анварӣ). -Ҷаласаи ҷамъбастии Раёсати Шӯрои адлия дар вилояти Хатлон оид ба муҳокимаи натиҷаи фаъолияти мақомоти судӣ дар нимсолаи аввали соли 2014 ва вазифаҳо барои нимсолаи дуюм 1 июл дар шаҳри Қурғонтеппа баргузор гардид.Раиси суди вилояти Хатлон Муҳаббат Азизӣ сифати баррасии парвандаҳоро дар судҳои шаҳру ноҳияҳои вилояти Хатлон дар нимсоли аввал таҳлил намуда, доир ба сабабҳои бекоркунӣ ва тағйирёбии қарорҳои судӣ, ҷой доштани камбудиву норасогиҳо дар фаъолияти судӣ ибрози ақида кард.Раиси Шӯрои адлия Зафар Азиззода оид ба риояи қатъии қонун ҳангоми баррасии парвандаҳо, ҷиҳати такмили сатҳи дониш ва таҷрибаву маҳорати касбии судяҳо, баланд бардоштани ҳисси масъулияти онҳо, риояи ҳуқуқу манфиатҳои шаҳрвандон, шахсони ҳуқуқӣ, ҳалли саривақтии муроҷиати шаҳрвандон, риояи қатъии меъёрҳои Кодекси одоби судя, инчунин дар муҳлатҳои дар қонун пешбинигардида таъмин намудани баррасии парвандаҳои судӣ, роҳ надодан ба омилҳои номатлуб, пурра решакан намудани содиркунии ҳолатҳои коррупсионӣ аз ҷониби кормандони мақомот таъкид карда, ҷиҳати бартарафкунии камбудиҳо дастурҳои мушаххас дод.