Омодагиҳо оид ба Чемпионати ҷаҳон-таэквандо

Июль 31, 2014 15:51

Душанбе, 31.07.2014 (АМИТ «Ховар»).-Аз 2-юм то 11-уми августи соли равон дар доираи он Конгресси Федератсияи байналмилалӣ дар ҷумҳурӣ бо иштироки доираи васеи варзишгарон аз кишварҳои дунё Чемпионати ҷаҳон оид ба таэквандо баргузор мегардад. Ҳамчунин семинар барои дастурдиҳандагон ва семинари техникӣ барои доварони ин чорабинӣ доир гардида, рақобатҳо аз 7 -ум то 10-уми август идома меёбанд. Оид ба вазъи омодагиҳо ва дар кадом сатҳ қарор доштани баргузории Чемпионати ҷаҳон — таэквандо , хабарнигори АМИТ «Ховар» бо Наргис Набиева ноиби раиси Федератсияи миллии таэквондо ва кикбоксинги ҷумҳурӣ мусоҳиба орост, ки шарҳи онро манзуратон мегардонем. Барои дар сатҳи баланд баргузор намудани чемпионати ҷаҳон- таэквандо чӣ чораҳо андешида шуданд? Пеш аз ҳама аз ҷониби Президенти кишвар дастуру супоришҳо дода шуд ва бо Фармоиши Ҳукумати ҷумҳурӣ барои дар сатҳи баланд баргузор намудани чорабинӣ зиёда аз 600 000 (шашсад ҳазор) сомонӣ маблағ ҷудо гардид, ки аз ҳисоби он тибқи талаботи қонунгузорӣ лавозимот ва хизматрасонии зарурӣ барои чорабинӣ тавассути Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон харидорӣ гардиданд.Ҳамчунин дар асоси дастуру супоришҳои Сарвари Давлат нақшаи баргузории чемпионат аз ҷониби Роҳбари Дастгоҳ тасдиқ гардид. Баъдан бо роҳбарии муовини Сарвазир Марҳабо Ҷабборӣ Кумитаи тадорукот таъсис ёфт, инчунин дар ҳамкорӣ бо Кумитаи ҷавонон ва сайёҳӣ гурӯҳи корӣ таъсис гардид.Айни замон омодагии Тоҷикистон ба ин чорабинӣ дар сатҳи зарурӣ карор дорад.Аз ҷониби Комиссияи ваколатии Чемпионат, ки аз Федератсияи байналмилалӣ ташриф оварданд, (моҳи июни соли ҷорӣ) омодагии Тоҷикистонро тасдиқ намуданд. Дар ин мусобиқаи байналмилалӣ чанд давлати дунё ширкат меварзад?Айни замон аз ҷониби 52 давлат дар бораи иштирок тасдиқ ирсол намудаанд. Шумораи варзишгароне, ки аз тамоми давлатҳо дар чемпионат ширкат меварзанд чӣ миқдор аст?Дар Чемпионати мазкур зиёда аз 600 нафар варзишгар аз кишварҳои дунё ширкат меварзанд.Аз кишвари мо чанд нафар варзишгар дар ин мусобиқаи бонуфуз иштирок мекунанд?Тоҷикистонро 43 — нафар варзишгари наврас ва 4 нафар собиқадор муаррифӣ менамоянд. Ба ҳайати дастаи мунтахаб, варзишгарон, ғолибон ва ҷоизадорони чемпионатҳои ҷахон ва Осиё ворид шудаанд. 20- нафари онҳоро духтарон ташкил медиҳанд.Макони баргузории чемпионат куҷо муқаррар гардидааст?Макони баргузории ин чорабинии бонуфуз Маҷмааи варзишии Кумитаи андози Ҷумҳурии Тоҷикистон муқаррар шудааст. Мусоҳиб : Зарангези Латиф.

Июль 31, 2014 15:51

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид