Омодагии варзишгарони тоҷик ба Бозиҳои осиёӣ ва Олимпиадаи наврасон

Душанбе, 9.07.2014. (АМИТ «Ховар», Меҳрони Қурбон) -Имруз дар шаҳри Душанбе, дар қароргоҳи Кумитаи миллии олимпии Тоҷикистон, ҷаласаи гурӯҳи корӣ оид ба омодагиҳои варзишгарони тоҷик ба Бозиҳои XVII осиёӣ баргузор шуд.Бояд зикр кард ,ки Баҳрулло Раҷабалиев, дабири кулли Кумитаи миллии олимпии Тоҷикистон, дар ин ҷаласа гуфт, “Ба барномаи Бозиҳои XVII осиёӣ, ки аз 19-уми сентябр то 4-уми октябри соли равон дар шаҳри Инчони Кореяи Ҷанубӣ барпо мегардад. Аз рӯйи 36 намуди варзиш 29 намуди олимпӣ ва 7 намуди ғайриолимпӣ дохил мебошанд.Ёдовар мешавем ,ки Кумитаи миллии олимпии Тоҷикистон дар ҳамкорӣ бо Кумитаи ҷавонон, варзиш ва сайёҳии кишвар, инчунин федератсияҳои миллӣ, беш аз 150 варзишгарро ба Бозиҳои XVII осиёӣ аз рӯи 16 намуд, ба монанди бокс, гуштии озод ва гуштии юнониву румӣ, дзюдо, варзиши сабук, тирандозӣ, футбол, шиноварӣ, камонварӣ, картэ-до, таэквон-до ВТФ, вазнабардорӣ ва ғайра сафарбар мекунад. Хотирасон менамоем, ки барои омодагии ҳамаҷонибаи варзишгарони тоҷик ба Бозиҳои XVII осиёӣ тадбирҳои зарурӣ андешида мешавад. Ногуфта намонад, ки варзишгарони тоҷик соли 2010 дар Бозиҳои XVI осиёӣ дар Гуанҷоуи Чин чаҳор медал як нишони тилло ва се биринҷӣ гирифта буданд. Дилшод Назаров дар гурзандозӣ бо медали тилло, Расул Боқиев дзюдо, Муродҷон Тӯйчиев гуштии юнониву румӣ ва Ҷаҳон Қурбонов бокс бо медалҳои биринҷӣ сарфароз шудаанд.