Сатҳи ҳамкориҳои байналмилалии ДМТ

Июль 8, 2014 14:23

Душанбе, 8.07.2014. (АМИТ «Ховар», Ситораи Боймурод).- Имрӯз зимни нишасти хабарӣ бо рӯзноманигорон Абдусалом Миралиев, муовини ректори ДМТ оид ба таълим иброз намуд, ки Донишгоҳи Миллии Тоҷикистон густариш ҳамкориҳои илмӣ-таҳқиқотӣ, омӯзишӣ ва фарҳангиро бо давлатҳои хориҷӣ аз самтҳои афзалятноки фаъолияти худ мешуморад. Айни ҳол донишгоҳ бо 105 муассисаи таҳсилоти олии касбӣ ва пужуҳишгоҳҳои илмӣ-тадқиқотии 18 кишвари хориҷӣ шартномаи ҳамкорӣ дорад. Аз ин шумора 6 қарордоди ҳамкорӣ дар давраи ҳисоботӣ баста шуд. Ҷуғрофияи ҳамкориҳои ДМТ бо кишварҳои хориҷӣ гуногунҷабҳа буда, ҳамкориҳои судманд бо макотиби олии давлатҳои Русия, Украина, Белоруссия, Озарбойҷон, Эрон, Афғонистон, Покистон, Ҳиндустон, Чин, ИМА, кишварҳои аъзои Иттиҳоди Аврупо ва давлатҳои дигар ба роҳ монда шудаанд.Дар нимсолаи дуюми соли хониши 2013-2014 дар зинаҳои гуногуни таҳсилот 134 шаҳрванди хориҷӣ муҳассили донишгоҳ буданд. Аз ҷумла дар аспирантура- 53 нафар, 6-нафар унвонҷӯ, дар магистратура- 17 нафар, 53- нафр донишҷӯ ва 5 нафар дар Маркази омӯзиши забонҳо ба таҳсил фаро гардиданд.А. Миралиев ҳамчунин гуфт, ки самти муҳими робитаҳои бурунмарзии донишгоҳ бо кишварҳои хориҷӣ мубодилаи донишҷӯён мебошад. Имсол дар доираи Донишгоҳи шабакавии ИДМ 14 нафар магистратураро хатм намуда, соҳиби диплом гардиданд. Яке аз ДМТ ва дигаре аз Донишгоҳи дӯстии халқҳои Русия ва ё Донишгоҳи давлатии Новосибирск.Бо мақсади тарғиби фарҳангу забони тоҷикӣ дар хориҷи кишвар ДМТ дар Донишгоҳи давлатии забонхои Маскав, Маркази забон ва фарҳанги тоҷикӣ ташкил намудааст.

Июль 8, 2014 14:23

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид