Ш. Саид аз натиҷаи фаъолияти ПСС дар 6 моҳ изҳори қаноатмандӣ кард
Душанбе, 09.07.2014. (АМИТ «Ховар», Фарзонаи Нарзӣ). -Дар нишасти матбуотие ки имрӯз (09.07.2014) баргузор гардид, ҷамъбасти нимсолаи соли равон шунида шуд. «Имрӯз бо мусоидати ниҳоди мазкур ширкатҳои сармоягузории хориҷӣ дар самтҳои афзалиятноки иқтисодиёти кишварамон самаранок фаъолият доранд», — кайд намуд раиси Палатаи савдо ва саноати ЧТ (ПСС) Шариф Саид. Хамчунин зикр гардид, ки дар давоми нимсолаи сипаригашта дар ПСС як қатор вохӯриҳо доир гардид, аз ҷумла: бо Сафири Ҳиндустон дар ҶТ Аситх Кумар Бхаттачарджи, Сафири Чин дар ҶТ Фан Сянҷун, Сафири Ҷопон Хироюки Имахаши дар ҶТ ва чандин роҳбарону намояндагони ташкилотҳои бонуфузи иқтисодию тиҷоратии хориҷӣ масъалаҳои муҳими ҳамкориро баррасӣ намуданд. Тайи солҳои зиёд ПСС ҶТ чеҳранамои тиҷорати намоишгоҳӣ дар ҶТ аст. Чорабиниҳои намоишгоҳӣ бо кишварҳои хориҷаи наздик ва дур дар асоси созишномаҳои ҳамкории байниҳукуматӣ ва байнипалатаӣ ба имзо расида, амалӣ мешаванд. Вазифаи ПСС мусоидат кардан ба тавсеаи гардиши мол, кооператсияи соҳибкорию байнисоҳавӣ, рушди робитаҳои тиҷоратӣ-иқтисодӣ, илмӣ-техникӣ ва фарҳанги миёни халқҳо мебошад. То имрӯз бо дастгирии Ҳукумати Ҷумҳурии Тоҷикистон 16-умин намоишгоҳ-ярмаркаи байналмиллалии «Тӯҳфаҳо ва туризм» бо иштироки 40 ширкат аз Фаронсаву Олмон, Туркияву Чин ва Эрону Афғонистону Тоҷикистон, Намоишгоҳи байналмиллалии «TojExpo Баҳор-2014» бо иштироки 40 ширкатҳои ватанӣ ва хориҷӣ, Намоишгоҳ «Тоҷикистон-2014» (Хуҷанд) баргузор шуда буд. Ш. Саид аз натиҷаи фаъолияти соҳа дар 6 моҳ изҳори қаноатмандӣ карда афзуд, ки имкониятҳои истифода нагардида хеле зиёданд ва амалӣ хоҳанд шуд.