Шаҳрдорӣ: «Фитри рӯза ва закотро ба ниёзмандон диҳед»

Душанбе, 24.07.2014.(АМИТ «Ховар», Марзия Саидзода).-Дар ҷаласаи шаҳрдории Душанбе қарор гардид, ки соли равон садақаи фитри рӯза ва закоти рӯзадорон танҳо ба оилаҳои камбизоату ниёзманди пойтахт дода шавад. Ин пешниҳоди раиси шаҳр Маҳмадсаид Убайдулоев аз ҷониби имомхатибон ва фаъолони пойтахт якдилона пазируфта шудааст.  Бояд тазаккур дод, ки соли равон дар асоси тасмими Шӯрои уламои кишвар ҳаҷми садақаи фитри рӯза 4 сомонӣ баробар ба 1 килою 622 грамм нархи гандум ва нисоби закот аз 10 ҳазору 875 сомонӣ аз рӯи арзиши як грамм тилло, ки 25 $ аст, 272 сомонӣ муайян гардидааст.  Ҳамзамон раиси шаҳр ба роҳбарони сохторҳои марбутаи пойтахт дастур додааст, ки дар рӯзи иди саиди Фитр, ки ба 28 июл рост меояд, дар мавриди анҷоми вазифаҳои таъинотии хизматӣ тадбирҳои муассир андешанд.