Соҳибкор ба давлат зиёда аз 1 млн зарар расонид

Душанбе, 10.07.2014. (АМИТ «Ховар», Мавҷуда Анварӣ). -Саидов Иброҳим Зоирович ҳамчун соҳибкори инфиродӣ дар қайди нозироти андози ноҳияи Вахш буда, дар давраи фаъолияташ аз соли 2012 то соли 2013 дар 43 ҳолат ба маблағи бештар аз 3 млн сомонӣ аз хориҷи кишвар ба Ҷумҳурии Тоҷикистон молу маҳсулоти ниёзи мардум ворид карда, ба нозироти андози ноҳия эъломия пешниҳод накарда, бештар аз 1 млн сомониро, ки ҳамчун андоз ба буҷет пардохт карда мешуд пинҳон намуда, бо фоизу ҷаримаҳояш ба давлат ба маблағи 1 млн 300 ҳазору 589 сомонӣ зарар расонидааст. Нисбат ба И.З. Саидов парвандаи ҷиноятӣ оғоз шуда, тафтишот идома дорад.