Суғд: Ворид шудани 936 адад адабиёти нав ба китобхона

Душанбе, 7.07.2014.(АМИТ «Ховар», Мавҷуда Анварӣ).-Давоми панҷ моҳи соли равон ба китобхонаи бачагонаи вилояти Суғд ба номи Аминҷон Шукӯҳӣ 936 адад адабиёти нав ба таври ройгон ворид гардидааст.Дар ин бора ба АМИТ «Ховар» аз маъмурияти китобхона хабар дода, афзуданд, ки дар ин давра ҳамчунин барои хонандагон чорабиниҳои судманди ҷиҳати тарбиявӣ дошта, аз қабили вохӯриҳо бо аҳли қалам, олимон, суҳбатҳо дар мавзӯъҳои доғи рӯз — худкушӣ, нашъамандӣ, қоидавайронкунӣ, таҷлили ҷашнҳои таърихӣ ва мавлуди адибону олимон ва шахсони барӯманд доир гаштаанд.Маврид ба зикр аст, ки китобхонаи вилоятии бачагона дар аввали соли ҷорӣ ба номи Шоири халқии Тоҷикистон, барандаи мукофоти давлатии ба номи Абӯабдуллоҳи Рӯдакӣ Аминҷон Шукӯҳӣ гузошта шуда буд.