Ташхиси нақлиёт ва маҳорати ронанда бояд таҳти назорат бошад

Душанбе, 3.07.2014. (АМИТ «Ховар», Зарангези Латиф).- Бо дастури раиси вилояти Суғд Муовини раиси вилоят Ранохон Маҳмудзода барои изҳори ҳамдардӣ ва расонидани кӯмаки моддӣ ба ноҳияи Айнӣ рафта, аз хонаводаи 7 тан ғарқшудагони ҷамоати Урметани ноҳия хабар гирифт.Ёдрас мекунем, ки чанде пеш дар ҷамоати Урметан дар натиҷаи садамаи нақлиётӣ 7 нафар занон дар дарёи Зарафшон ғарқ шуда буданд. Дар байни онҳо як нафар духтарчаи 8 — сола низ буд. Тани як нафари ғарқшуда, ки 7 рӯз инҷониб мавриди ҷустучӯ қарор дошт, дирӯз ба хок супорида шуд.Ҳамаи занон бо ҳам шиносу хеш буда, бо ҳам якҷоя сафар доштанд.Дар ҷараёни суҳбат пайвандони ҳалокшудагон хоҳиш намуданд, ки ташхиси нақлиёти хизматрасон ва ҳолати технкиву маҳорати ронандагон таҳти назорати қатъӣ гирифта шавад.