Ташкили фоҳишахона дар ҳаммом

Душанбе, 1.07.2014. (АМИТ «Ховар», Лайло Тоирӣ).- 28 июни соли равон аз ҷониби кормандони ШВКД дар ноҳияи Сино шаҳрванд М.Ш., соли таваллудаш 1980 ҳамчун гумонбар дар ташкил ва нигоҳдошти фоҳишахона дастгир гардид. Номбурда шаби 27 ба 28 июни соли ҷорӣ ҳаммомхонаи тарабхонаи «Гулдаста», воқеъ дар кӯчаи Шамсии пойтахтро ба фоҳишахона табдил дода, ба шаҳрвандон: Қ.Э., соли таваллудаш 1978, сокини кӯчаи Зарафшон ва С.Х., соли таваллудаш 1988, сокини наҳияи Қумсангир барои алоқаи ҷинсӣ намудан шароит фароҳам оварда, аз онҳо 200 сомонӣ гирифтааст.Бино ба иттилои хадамоти матбуотии ВКД, инчунин аз ҷониби кормандони милитсия ҳангоми гузаронидани чораҳои фаврӣ-ҷустуҷӯӣ дар кӯчаи Маяковскийи шаҳри Душанбе шаҳрванд Р.М., соли таваллудаш 1965, бо гумони ташкил ва нигоҳдошти фоҳишахона дастгир шуд, ки ӯ хонаи истиқоматиашро ба фоҳишахона табдил дода, ба шаҳрвандон Ш.Д., соли таваллудаш 1986 ва А.М., соли таваллудаш 1989, сокинони пойтахт барои алоқаи ҷинсӣ намудан шароит фароҳам оварда, аз онҳо 160 сомонӣ гирифтааст. Аз рӯи ин ҳодисаҳо парвандаи ҷиноӣ оғоз гардида, тафтиш идома дорад.